PresupuestosAbiertos::IntroduccionEUSK

Leioako Udalak ireki du 2021eko Udal Aurrekontuan kontuan hartu beharreko ekarpenak egiteko epea. Zehazki, 900.000 euro erabiliko dira horretarako.

Leioako Aurrekontu Irekien bigarren edizio honen lehen fasea astelehenean, otsailaren 10ean, hasiko da eta martxoaren 1era arte luzatuko da, 16 urtetik gorako leioaztarrek euren proposamenak egin ditzaten.

Prozesu horren helburu nagusiak honako hauek dira: auzotarrek Leioako behar nagusiak ezar ditzaten ahalbidetzea, herritarrak gizarte-bizitzako protagonista aktibo bihur daitezen erraztea, demokrazia parte-hartzailean sakonduz, eta prozedura bat ezartzea, horren bidez hausnarketa aktiboa eta elkartasuna sustatzeko, ordezkari politikoen, auzotarren, kolektiboen eta teknikarien artean eztabaida-guneak sortuz.

Oraingo honetan, lehen fase honetan jarriko dira informazio-karpak kalean, eta bertan utzi ahal izango dira proposamenak. Gainera, hitzaldiak egingo dira Nagusien Etxeetan, prozesuaren berri emateko.

Informazio hitzaldiak honako egun hauetan izango dira: otsailaren 10ean Txorierriko Nagusien Etxean, otsailaren 11n Lamiako Nagusien Etxean, otsailaren 12an Errekaldeko Nagusien Etxean, eta otsailaren 13an Pinuetako Nagusien Etxean. Guztiak 19: 00etan.

Gainera, hurrengo astean karpekin egongo gara kalean, eta auzokideek, informazioa emateaz gain, beren proposamenak egin ahal izango dituzte. Karpak otsailaren 18an egongo dira Metro Leioan goizean eta Sakonetan arratsaldean. Otsailaren 19an Lamiako Metroan goizean eta Txorierrin arratsaldean. Eta otsailaren 20an Pinuetan goizean eta San Bartolomeko Kulturgunearen aurrean arratsaldean.

Haurren botoa Umeen Kontseiluak ordezkatuko du lehen fase horretan. Alkateak bilkura berezia izango du Kontseiluarekin otsailaren 19an Ondiztorren, aurrekontu bat zer den azaltzeko eta proposamen propioak jasotzeko.

Nolako proposamenak aurkez ditzaket?

  • Udal-eskumenekoak diren proposamenak.
  • Teknika edota ekonomiaren aldetik bideragarriak diren proposamenak
  • Iraunkortasun ekonomikoa eta finantzarioa justifikatuta dituzten proposamenak
  • Norberaren interesak baino Leioa udalerrian bizi diren herritar guztien onura eta interesak lehenesten dituzten proposamenak.
  • Legez kontrako, difamaziozko zein diskriminaziozko edukirik ez duten proposamenak, eta gastu publikoaren arloan udal-eskumenekoa den edozein jarduera-esparruri lotutakoak.

Hemen kontsulta ditzakezu lehen fase honetan jasotako proposamenak