06.03.- LIZENTZIA ESKAERAREN ORDEZ ZINPEKO ADIERAZPENA EDO AURREKO JAKINARAZPENA ESKATZEN DEN KASUETAN, ESTABLEZIMENDUAK IREKITZEKO LIZENTZIAK EMATEGATIKO EDO KONTROLEKO ADMINISTRAZIO JARDUERAK BURUTZEAGATIKO TASA
Martxoaren 4ko Ekonomia jasangarriko 2/2011 Legeak administrazioa errazteko neurriak barne hartzen ditu, beste batzuen artean, Toki Araubidearen Oinarriak arautzen dituen apririlaren 2ko Legeko 84 bis artikulua erantsiz, honako hau dioena: orokorrean, jarduerak ez dira lizentzia eskuratzearen edo bestelako prebentzio-kontrolerako neurrien menpe egongo. Hala ere, lizentzia edo prebentzio-kontrolerako neurripean egon daitezke arlo hauetako jardunak, betiere mendekotasun erabakia justifikatua eta neurrikoa bada: ingurugiroaren edo ondare historikoaren babesa, segurtasuna edo osasun publikoa, edo ondasun publikoen erabilera pribatiboa eta okupazioa dakartenak.
Honakoa ere gehitzen da: jardunak aurretiaz gaitzen duen baimenik eskatzen ez duenean, Toki Erakundeek beharrezkoak diren komunikazio prozedurak zehaztu eta planifikatu beharko dituzte, eta ondoren, lan-araudiak aurreikusitako interesatuek jardunerako eskatzen diren baldintzak betetzen dituztela ziurtatu.
APLIKAZIO EREMUA:
Leioako udalerria.
FUNTSA ETA IZAERA
1. artikulua.
Udal honek, Bizkaiko Lurralde Historikoko Foru Arauarekin ados, zehaztu eta exijitu egiten du jakinarazi ondoren establezimendua irekitzearen bidezko administrazio kontrolerako tasa, Ordenantza honen terminoen menpean eta berton zehazten diren tarifen arabera.
ZERGA EGITATEA
Artículo 2
2.1. Tasaren zergapeko egitatea udalaren jarduera da, teknikoa zein administratiboa, establezimenduek lasaitasun, segurtasun eta osasungarritasun baldintzak betetzen dituztela ziurtatze aldera, Udalak irekiera lizentzia emateko beharrezkoa baita.
Jarduera izapidetzeko eskaera honela egin daiteke:
1. Jarduera sailkatuaren aurreko jakinarazpen bidez
2. Jarduera sinplifikatuaren aurreko jakinarazpen bidez.
3. Jarduera sailkatuaren eskaera bidez.
2.2. Ordainarazpen honen efektuetarako, Lizentzia behar duten establezimendu edo lokal irekieratzat jotzen dira honako hauek:
a) Establezimendua lehenengoz instalatzea jarduerei ekiteko.
b) Establezimenduak eskualdatzea, hobarien araudiak dioenari kalterik egin gabe..
c) Establezimenduak egiten den jarduera aldatzea edo zabaltzea, titular berak iraun arren.
d) Establezimendua zabaltzea eta bertan egiten den edozein aldakuntza, artikulu honen 2.1. zenbakikoan adierazi diren baldintza ukitzen baditu, haiek berriro begiztatzeko eskatzen duela.
2.3. Merkatal edo industria establezimendutzat joko da etxebizitza bakarrik ez den eraikin bizigarria, publikoarentzat irekita egon ala ez, eta horrez gain:
a) Bertan Jarduera Ekonomikoen gaineko Zergaren menpeko enpresa, lantegi, artisautza, eraikintza, merkataritza edo zerbitzu jardueraren bat egiten bada.
b) Aktibitate horiek aurrera eramaten ez badira ere, horien osagarri badira aktibitateak edo horiekin harremana badute, onura edo probetxua ematen baldin badute. Adibidez, egoitza sozialak, agentziak, entitate juridikoen ordezkaritzak edo sukurtsalak, kontsultak, bulegoak edo ikasgelak.
SUBJEKTU PASIBOA
3. artikulua
3.1. Subjektu pasibo dira Zergei buruzko Foru Arau Orokorreko 34 eta 35. artikuluek aipatzen dituzten pertsona fisiko eta juridikoak eta entitateak, aurrera eraman nahi den jardunaren titular direnak, edo edozein merkatal edo industria establezimendutan garatzen denaren titularrak.
3.2. Zergadunaren ordezkoak izango dira establezimenduen jabeak; hauek euren onuradunei ordainarazi ahal izango dizkiete kuotak, hala denean.
ERANTZULEAK
4. artikulua.
4.1. Zergei buruzko Foru Arau Orokorreko 40 eta 41. artikuluek aipatzen dituzten pertsona fisiko eta juridikoek erantzungo diete, modu solidarioan, subjektu pasiboaren zerga obligazioei
4.2. Erantzule subsidiario izango dira sozietate eta sindikoen administratzaileak; porrot, lehiaketa, sozietate, eta orokorrean, entitateen interbentore edo kitatzaileak, Zergei buruzko Foru Arau Orokorreko 42. artikuluak zehazten duen irismenarekin.
ZERGA OINARRIA
5. artikulua.
Tasaren zerga oinarria establezimenduaren azalera da, zein ondorengo erregelak kontutan hartuz zehaztuko baita:
5.1. Establezimenduaren azalera zehazteko, aintzat hartuko da multzo bakarra osatzen duen beraren azalera osoa.
5.2. Irekita dauden establezimenduei erantsita daudenek, hala nola, erakusketa-lokalek, etab., tasaren sortzapena izango dute eta irekiera egin beharko dute, establezimendu nagusitik aparte.
| 2023ko Tarifa |
|
| 6. artikulua. —Tributu kuota. |
|
| 6.1. Jarduera gogaikarri, osasungaitz, kaltegarri eta arriskutsuak irekitzeko aurretiazko jakinarazpenek edo zinpeko adierazpenek 2,13 euroko tarifa ordaindu beharko dute establezimenduaren azaleraren m² bakoitzeko........... | 2,13 |
| 6.2. Irekitzeko aurretiazko gainerako jakinarazpenek edo zinpeko adierazpenek 1,47 euroko tarifa izango dute establezimendu-azaleraren m ² bakoitzeko. | 1,47 |
| 6.3. 229,98 euroko gutxieneko kuota ezartzen da. Kuota hori ordaindu beharko da, baldin eta aurreko paragrafoak aplikatzearen ondoriozko tributu-kuotak kopuru hori baino txikiagoak badira, edo kuota azaleren arabera lortu ezin bada, baina irekitzeak espedientea izapidetzea eskatu badu. | 229,98 |
| 6.4. Ireki ondoren instalazio-azalera handitzen duten establezimenduek azalera berriaren eta aurrekoaren arteko aldeari dagozkion eskubideak ordaindu beharko dituzte. | |
| 7. artikulua.—Tarifa bereziak | |
| 7.1. <A> tarifa berezia | |
| Energia elektrikoaren sozietate edo konpainia ekoizle, transformatzaile edo saltzaileentzat, kilowatt oinarriaren gainean ateratzen direnak finkatzen dira kuota gisa, honako eskala honen arabera: | |
| — 100 kW artekoak | 0,41 |
| — 100 kW-tik gora eta 500 kW-ra artekoak | 0,38 |
| — 501 kW-tik gora eta 1.000 kW-ra artekoak | 0,35 |
| — 1.001 kW-tik gora eta 5.000 kW-ra artekoak | 0,29 |
| — 5.001 kW-tik gora eta 10.000 kW-ra artekoak | 0,13 |
| — 10.001 kW-tik gora eta 20.000 kW-ra artekoak | 0,07 |
| — 20.001 kW-tik gora eta 30.000 kW-ra artekoak | 0,04 |
| — 30.001 kW-tik gora eta 40.000 kW-ra artekoak | 0,03 |
| — 40.001 kW-tik gora eta 50.000 kW-ra artekoak | 0,02 |
| — 50.001 baino gehiago dutenak. | 0,01 |
| Instalatutako elementuak transformadore estatikoak direnean udal mugartean dagoen eta irekiera duen beste establezimendu batetik datorren energia eraldatzeko eta saltzeko, aurreko eskalan adierazitako kuotak jarriko dira, % 50eko murrizketarekin. | |
| 7.2 <B> tarifa berezia | |
| Gasa ekoizten duten erakundeei, zerbitzu publiko eta partikular gisa bana ditzaten, ekoizpen-modua eta berezko ezaugarriak edozein direla ere, kuota gisa ezartzen zaizkie irekitzearen xede den instalazioan egunero ekoitzitako metro kubikoko gasaren gainean ateratzen diren kuotak, honako eskala honen arabera: | |
| — Egunean 1.000 m³ arte | 0,04 |
| — Egunean 1.000 m³-tik gora eta 4.000 m³-ra artekoak | 0,04 |
| — Egunean 4.000 m³-tik gora eta 10.000 m³-ra artekoak | 0,03 |
| — Egunean 10.000 m³-tik gora eta 20.000 m³-ra artekoak | 0,02 |
| — Egunean 20.000 m³-tik gora eta 50.000 m³-ra artekoak | 0,02 |
| — Egunean 50.000 m³-tik gora eta 100.000 m³-ra artekoak | 0,01 |
| — Egunean 100.000 m³-tik gora eta 200.000 m³-ra artekoak | 0,01 |
| — Egunean 200.000 m³ baino gehiago dutenak | 0,01 |
| 7.3. <C> tarifa berezia |
|
| Gas, olio edo antzekoen biltegien instalazioak, unitateko ordainduko da. | 310,72 |
8. artikulua.—Hobariak
8.1. %50eko hobaria ezarriko da establezimendu edo lokalak beren instalazioa, burutzeko baimenduta egon arren, egokiak ez diren eremuetatik, instalazio horrentzako egokiagotzat hartzen diren eremuetara lekualdatzeagatik.
8.2. Autoen tailer mekanikoak eta kontzesionarioak bizitzeko aldeetatik herriaren kanpoaldeko aldeetara eramateagatik %90eko hobariak aplikatuko dira, baita ondoren bizilagunentzako aparkaleku bihurtuko diren instalazioak lekuz aldatzeagatik ere.
9. artikulua.—Sortzapena eta zergak ordaindu beharra
9.1.- Tasaren sortzapena emango da eta zerga ordaintzeko obligazioa sortzen da zergapeko egitatea eratzen duen udal jarduna hasten denean. Ondore horietarako, jarduna hasitzat joko da aurretiazko jakinarazpena edo irekierarako zinpeko adierazpena edo jarduera sailkatuko lizentzia eskaera Udal Erregistroan aurkezten den egunean bertan.
9.2. Aurretiazko jakinarazpena edo ardurapeko deklarazioa aurkeztu barik ireki denean, tasaren sortzapena egingo da establezimenduak baldintza exijigarriak betetzen dituen zehazteko udal jarduna hasten denean.
9.3. Zergak ordaintzeko obligazioari, behin hartuta, ez dio eragingo establezimenduaren baldintzak aldatzeak, edo behin lokala irekita, ezta eskatzaileak uko egiteak ere.
10. artikulua. — Adierazpena
10.1. Establezimenduak ireki nahi dituzten pertsonek aurretiazko jakinarazpena edo ardurapeko deklarazioa aurkeztuko dute Erregistro Orokorrean, eta bertan, lokaleko jarduna edo jardunak azalduko dituzte. Horrez gain, tasa likidatzeko balio dezaketen justifikazio agiriak aurkeztu beharko dituzte, baita indarrean dauden arau-xedapenen arabera, eskaera tramitatzeko beharrezkoak diren bestelako dokumentuak ere.
10.2. Irekiera eskaera egin ondoren, establezimenduko aktibitatea aldatu edo zabalduko balitz, edo establezimenduak proiektatutako baldintzak aldatuko balira, edo hasieran aurreikusitako lokala handituko balitz, aldaketa horiek Udal administrazioari jakinarazi beharko zaizkio.