Leioako Hiri Antolamenduko Plan Nagusia udalerriko lurzoruaren erabilera desberdinak definitu eta arautzen dituen udal araudia da, eta aldi berean, Leioarako hazkuntza urbanoaren eredua zehazten du. HAPN Bizkaiko Foru Aldundiak behin betiko onartu zuen 1999 eta 2001 bitartean, Leioako Udalbatzak eskatuta, eta aurreko udal antolamendurako tresna ordezkatu zuen, Arau Subsidiarioak alegia. Arau Subsidiario horiek zuzendu zuten udalerriko hirigintza garapena demokraziaren lehen bi hamarkadetan, aurreikuspenak agortu arte.
Egungo HAPNren helburuak dira hirigunea finkatzea, erdigune hori auzoekin lotzea, eta era berean, auzoak ere elkarren artean lotzea. Hori osatzeko, babes publikoko etxebizitza eskaintza sendoa, udalerri osoan zehar; izaera ekonomikoko jarduerak hartzeko lurzoruak gordetzea; hezkuntza, kultura, kirol, laguntza eta abarretarako  ekipamendu-sare publiko eta pribatu zabalak azpiegitura eta zerbitzu berri eta hobeak eskaini ahal izateko; eta gune aske eta berde gehiago ere bai.
Azken batean, HAPNren xedea da hiria sortzea modu atseginez, bizi, lan egin eta gozatzeko aukera ematen duen komunitatea garatzea hain zuzen ere. Bizi-kalitatean hatzeko lekua.